O noso recuncho

Ravertiña cambia de casa

2011-10-02T03:08:00.001-07:00

Ravertiña cambia de casa no novo curso pero esta permanecerá aberta para todos aqueles/as que a queiran visitar, xa que garda moitos recordos e vivencias de cursos pasados.

Pinchade na imaxe

Un bico a tod@s.

Benvida

2011-09-04T10:27:00.001-07:00

Ravertiña quere que teñades unha feliz "volta ao cole" e que neste novo curso a maxia dos libros voen dos andeis ás vosas casas para iluminar cada noite os soños de todos os amigos e amigas que me visitan a diario no biblioteca.

Moitos bicos.

A NOSA BIBLIOTECA AO FINAL DO CURSO 2010-11

2011-06-15T13:06:00.001-07:00

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-01T11:50:00.000-07:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo coordinadores/as Plambe

No corazón do bosque

2011-05-31T13:05:00.000-07:00

Os de 3º andan a ler este libro (que xa leron os de 4º) .Teño que confesarvos que ata sinto ciumes do trasno Derdrín. Paréceme que xa pensades máis nel que en min.

LETRAS GALEGAS 2011: LOIS PEREIRO

2011-05-15T12:35:00.000-07:00

CORPOS ARBÓREOS

2011-04-12T13:11:00.001-07:00

e VA 
Corpos arbóreos (castellano) from Andres Victorero on Vimeo.

TRABALLO DOS MÁIS PEQUES

2011-03-27T10:26:00.000-07:00

Como sabedes, os nenos e nenas de Infantil andan a traballar nun proxecto que poñeremos no blog en canto o teñan rematado.

Mentres, adiantamos cunha presentación, a visita que nos fixeron os alumnos e alumnas do Laxeiro para recrear unha continuación do Entroido e que tanto lle gustou a todos/as.

Proxecto-chines

View more presentations or Upload your own.

Contos para nenos que dormen deseguida

2011-03-09T07:55:00.000-08:00

E... velaquí o novo libro que acaban de ler os de 3º. Tanto lles gustou que ata copiaron re-creando as súas marabillosas ilustracións.

ENTROIDO 2011

2011-03-05T16:44:00.000-08:00

Deixo vídeo do que aconteceu o día do Entroido. Paseino moi ben vendo tantos disfraces e tanta ledicia. Disfrutade lembrando.

Entroido 2011

View more presentations or Upload your own.

SEMANA DO ENTROIDO

2011-02-27T09:03:00.000-08:00

dDas lonxanas terras do Caribe, chegaron un ano máis o Sr. Manuel e a Sra. Xertrudis para pasar conosco esta semana de Entroido.

Como sabedes, estes dous amigos son os que nos van dicir como temos que vir vestidos cada día da semana. Estade atentos ao cartaz que poñen para que os rapaces e rapazas de 6º non nos enchan de fariña.

Dámoslle de novo a benvida ao Sr. Manuel e á Sra. Xertrudis.

Como viñan tan cansos, o primeiro que fixeron foi sentarse nos bancos do corredor. Para que se sintan máis cómodos na súa "saliña" temos que empezar a adornala.

Luns 28 : levaremos as cabezas adornadas de flores ou follas.

Martes 1: todos e todas cun raboooo ben xeitoso.

Mércores 2: Orellas de lobo, coello, can... ou uns grandes cornos na cabeza.

Xoves 3: uns fermosos bigotes.

Venres 4: todos e todas disfrazados e festa no patio.

Estou pasando unha semana xenial!!!! Gústame o Entroido e como vides vestidos....

FEIRA DO COCIDO

2011-02-25T15:56:00.000-08:00

E por fin chegou o día; a tradicional Feira do Cocido que todos os anos anuncia que estamos ás portas do Entroido. Os nenos de Infantil decoraron ao personaxe principal deste día: o porquiño. Mirade que chulos quedaron.

E agora a receita para disfrutar dun bo xantar coa familia e amigos.

Receita oficial recollida da páxina do Concello de Lalín.

Ummm...as rúas arrecenden e eso que faltan as filloas que son as que máis me gustan...

ESCUELA DE SUPERHÉROES

2011-02-11T11:23:00.000-08:00

E...velaquí o que andan a ler os do 3º Ciclo! Esta escola parece máis que interesante, non si?

VER PARA LER

2011-02-10T03:41:00.000-08:00

A semana pasada, paseando polas rúas de Lalín, atopeime con esta marabilla de escaparate. Unha moza moi amable, que se chama Gracia, pasoume estas fotos para que todos vós as poidades disfrutar. Un paxariño, díxome que esta semana ían poñer libros sobre o AMOR. Seguro que estará tan ben como as que vemos agora.

Espero que vos guste tanto como a min.

Bajo mi cama, una estrella

2011-02-09T09:15:00.000-08:00

As nenas e os nenos de 3º dixéronme que disfrutaran moito coa lectura deste libro e que irían escribindo aquí as súas opinións sobre el. (Eu non sei se me atreverei a lelo... Disque hai un monstro que vive debaixo da cama...Brrrrrrrr!! Que medo!)

Wangari e as árbores da paz: unha historia verdadeira.Jeanette Winter.Edicións Ekaré

2011-01-27T10:45:00.000-08:00

"A nosa vida será mellor cando outra vez teñamos árbores".
(Wangari MAATHAI, Premio Nobel da Paz no 2004)

EL CAZO DE LORENZO

2011-01-26T05:53:00.000-08:00

Como non querer a Lorenzo!

EL REINO DEL REVÉS

2011-01-25T11:08:00.000-08:00

A Ravertiña sabe que @s alumn@s de 3º andan a aprender este poema de Mª Elena Walsh . Así é que para facilitarlles un pouco a vida "colgou" este vídeo no blog. Pois entón..a cantar!
Rosa León - El reino del revés (canciones infantiles)

FESTIVAL DE NADAL 2010.-1ª parte: INFANTIL

2010-12-24T16:24:00.000-08:00

FESTIVAL DE NADAL - 2ª parte: 1º, 2º e 4º

FESTIVAL DE NADAL - 3ª parte: teatro 3º

FESTIVAL DE NADAL - 4ª parte: teatro de 5º e 6º

FESTIVAL DE NADAL - 5º parte: 5º e 6º

A Ravertiña davos a tod@s a noraboa por achegar á biblioteca a ledicia deste festival froito da ilusión e do traballo colectivo. Ánimo e... a preparar o Entroido!

Dende os tres anos...A XOGAR CON FERVELLO!

2010-12-18T15:44:00.000-08:00

O PEIXE QUE SORRÍA

2010-12-15T13:51:00.000-08:00

A Ravertiña achéganos toda a maxia oriental nestas imaxes cheas de poesía. Os peixes tamén sorríen!

A que xogaban os nosos avós?

2010-12-11T14:42:00.000-08:00

Ravertiña queda abraiada pola imaxinación e creatividade que

tiñan os nenos e nenas hai algúns anos. Con poucos recursos

eran capaces de facer os sus propios xoguetes. Fixádevos na

boneca feita cunha pataca, ou a reprodución en miniatura dun

carro con todos os trebellos, o muiño de auga, o aro,

as buxainas o bufagatos e tantos outros que faltan.

Agradecemos as familias a colaboración e a paciencia para que
hoxe poidamos ver como xogaban non hai tanto tempo.

Vídeo Magosto e Concurso de Doces

2010-11-22T01:13:00.000-08:00

Magosto e terceiro concurso de doces con froitos de outono

2010-11-20T12:43:00.000-08:00

Cunha semaniña de retraso por fin chegou o día do magosto e a terceira edición do concurso de doces. Este ano foron moitos pais e nais que participaron no concurso, aínda que sei de boa tinta que moitas das tortas tamén as fixeron os rapaces e rapazas. Estaba todo rico! rico! rico! Deixo unha presentación e os distintos premios. Que arrecendo quedou na biblio...!!!!

Magosto2010

View more presentations or Upload your own.

PREMIOS:

1º Premio " sacos de filloas recheas de crema de laranxa e limón"

Lucía Carballo Valladares - 1º de Primaria.

Como houbo empate, dous segundos premios:

- "Torta de mazá con marmelada de pexego"

Aurora Couto Vidal - E.I 5 anos

- "Superbrownni"

Brais García Pol - 6º de Primaria

3º Premio "Torre de estrelas"

Nacho Xesteira Diñeiro E.I. 4 anos

O xurado tivoo moi difícil porque estaba exquisito. Gracias a todos e todas pola vosa colaboración e ata o vindeiro ano.

Homenaxe a Rosalía de Castro no 125 aniversario da súa morte

2010-11-18T00:42:00.000-08:00

Os alumnos e alumnas de 5º e 6º estiveron traballando a poesía de Rosalía.O resultado deste traballo culminou no recital que representaron no Salón Teatro. Aquí deixo o vídeo para que vexades o ben que o fixeron.

Parabéns a todas e todos

Bicos Ravertiña

Día da Ciencia en Galego

2010-11-04T14:09:00.000-07:00

FOTOS

Hoxe celebramos o Dia da Ciencia en Galego. Durante a semana as aulas enchéronse de cintas, texoiras, pegamentos, debuxos para colorear e adornar e sobre todo moito entusiasmo e ilusión. Por fin chegou o día para estrear o resultado de tanto traballo. O parque era un mar de cores ao vento, non hai máis que mirar o vídeo.
Ravertiña quere dar os parabéns polo traballo ben feito a todas e todos os que participastes.

Moitos bicos de Ravertiña

4 de novembro día da Ciencia en Galego

2010-10-24T07:35:00.000-07:00

Sementeira

2010-10-23T14:01:00.000-07:00

A Ravertiña gustoulle e comparte

Bolsas Viaxeiras

2010-10-21T13:02:00.000-07:00

Hoxe houbo festa na Biblioteca cos máis pequenos e pequenas do cole. Ravertiña tiña unha sopresa para todos e todas; unhas bolsas viaxeiras!!! Agora cando leven os libros da Biblio para ler na casa, usarán esas bolsas tan bonitas para levalos e traelos. Mirade que chulas están...

Boa viaxe. Bicos

Nenos da India que cantan en galego

2010-09-28T13:28:00.000-07:00

Escoitade coma uns nenos da India cantan no noso idioma.

En Pubai-Orissa, nunha zona illada India, existe unha escola financiada por uns 280 veciños de Cangas a través da ONG Shanga. Pagan 6 euros ao mes, abondo para alimentar a un dos 500 cativos hindús no María Soliña de Asia.

Gustoume tanto que quero compartilo con todos e todas.
(Visto en varios sitios da rede, no sei cal é o orixinal).

LECTURIL - PLUS. Recomendado por Ravertiña.

2010-09-23T01:46:00.000-07:00

LECTURIL – PLUS
Infantil/xuvenil

-Este prospecto pretende fomentar a lectura.
-Le atentamente as instrucións.
-En caso de dúbida, consulta á bibliotecaria.

O principio activo deste medicamento baséase no probada capacidade para estimular as habilidades dos nenos e nenas tales coma o pensamento, a imaxinación a atención, a autoestima e a linguaxe.

Indicacións:
Aconséllase para exercitar o intelecto e mellorar o rendimento escolar.

Composición:
Os compoñentes dos libros desenvolven a creatividade e a imaxinación.

Contraindicacións:
A lectura pode causar entretemento, diversión, relaxación e distracción positiva.

Precaucións:
Potencia as capacidades de observación, atención e concentración.

Efectos secundarios:
Desperta inquedanza e axuda a descubrir novos horizontes.

Interacións:

O hábito da lectura combinado con outros factores educativos xenera opinión e aumenta a autoestima.

Advertencias:
Pode estimular e satisfacer a curiosidade intelectual e científica.

Posoloxía:
Un tempo de lectura diaria desenvolve a linguaxe e mellora a expresión oral e escrita.

Sobredose:
En dose elevada aumenta o vocabulario e mellora a ortografía.

Reacións:
Mesturado con outros estímulos facilita a aprendizaxe continua: Coñecemento, información e cultura.

Mantéñase perto das nenas e nenos.
Dispoñible tamén Lecturil Forte en cápsulas por capítulos.

(Visto en nosololibros e traducido por Ravertiña)

Primeiro día de clase

2010-09-23T01:28:00.000-07:00

Graduación Infantil e Sexto de Primaria

2010-06-21T08:16:00.000-07:00

O venres, día dezaoito, celebramos a graduación dos alumnos e alumnas de Infantil(cinco anos)e os alumnas e alumnos de sexto de primaria. Aquí deixo unhas fotiñas moi chulas de todos e todas coas súas respectivas titoras.

Aos alumnos e alumnas de Infantil que suben a primaria, a miña felicitación especial e vémonos o vindeiro curso no primeiro andar.

En canto aos rapaces e rapazas de sexto...que podo dicir!!! Quedades no noso corazón e desexamos que teñades moito éxito na nova andaina que ides emprender no Instituto. Sabedes que aquí está o voso colexio para o que necesitedes.

Votarémosvos de menos.

Ravertiña quere felicitar tamén ás titoras Loli e Marisa polo seu labor e bo facer cos alumnos que agora se gradúan, sen esquecer o esforzo e ilusión que empregaron para crear un hábito lector entre os seus alumnos. Abofé que o conseguiron. Parabéns.

Moitos bicos, a descansar, felices vacacións e boas lecturas.

Escenificación dos libros de lectura

2010-06-16T08:10:00.000-07:00

Hoxe, na biblioteca, os alumnos e alumnas de 3º e 4º de primaria, escenificaron algúns dos libros que leron durante o curso dirixidos por José Leis, Pedagogo Teatral.

A Biblioteca encheuse de personaxes, accións e países lonxanos. Foi toda unha experiencia.

Queremos dar as grazas a José por facernos pasar uns momentos inesquecibles.

Estos son os libros que escenificaron:

Terceiro:

Regreso a África
Valérie Dayre Ed, Alfaguara

El superzorroEd, Alfaguaraa
Roald Dahl - Ed, Alfaguara

Cuarto

Los niños más encantadores del mundo
Gina Ruck Puquét - Ed, Alfaguara

O segredo do pan
Pepe Cáccamo - Ed, Alfaguara

Pasámolo xenial!!!!!!!

Teatro Lume

2010-06-10T01:41:00.000-07:00

Os alumnos e alumnas de Infantil e Primeiro Ciclo de Primaria, asistiron, no salón teatro de Lalín,a unha obra de teatro representada por Teatro Babaluva. Aquí deixo unha fotiñas.

Sinopse:
Nun bosque onde viviían moitos animais algo pasou que fixo ladrar ao can...

Unha lapa chegou con ganas de facer lume e fume.

O can chamou á vaca, a vaca ao cervo, o cervo á xabarila, a xabarila á landra, a landra preocupada foi buscar ao moucho que avisou a araña. A araña que viu ao ourizo, o sapo alertou á garza que estaba comendo miñocas. A eiruga falou coa bolboreta, voluntariosas chegaron a vacaloura e o esquío. E así foi como azudándose uns aos outros prepararon un plan para apagar o lume.

Nesta proposta innovadora de teatro de obxectos, dúas titiriteiras recrean un bosque o os seus animais para contar unha historia de sensibilización medioambiental.

Neste proceso de creación participaron mulleres artistas de diversas disciplinas como o teatro, a fotografía, a música e as aartes plásticas.

Foi unha mañá estupenda, aprendemos moitas cousas e divertímonos moito.

Espero que vos gusten as fotiños que subín.

Moitos bicos

Zapatillas con diseño galego

2010-06-06T04:19:00.000-07:00

Dende Balbordo, o blog do Equipo de Normalización Lingüística do IES Auga da Laxe de Gondomar chegan estas zapatillas que son unha chulada...Deixo o enlace para que vexades máis.

http://balbordo.blogspot.com/2010/06/as-primeiras-zapatillas.html

E digo eu...Haberá da miña talla????

Bo comenzo de semana.

EXPOSICIÓN UXÍO NOVONEYRA

2010-05-15T16:17:00.000-07:00

Como sabedes, durante toda a semana, estivemos traballando nesta exposición adicada ao poeta homenaxeado este ano no día das letras Galegas. Disfrutade das imaxes e da música.

Biquiños, boas lecturas e un día das Letras Galegas en galego e co galego.

LETRAS GALEGAS 2010. RECITAL UXÍO NOVONEYRA

2010-05-15T08:32:00.000-07:00

De novo a biblioteca encheuse de sons e rimas cos poemas do "Poeta do Courel", nas voces dos alumnos e alumnas de 6º de primaria, cun auditorio que disfrutou dende o primeiro ata os últimos versos do galego que ama á súa terra.

Deixo o vídeo para que poidades lembrar este día.

Os meus parabéns. Estivo xenial!!!!!!!! Queremos máis

EXCURSIÓN FIN DE CURSO - 5º E 6º DE PRIMARIA

2010-05-03T15:08:00.001-07:00

VIAXE A MADRID E ARREDORES

See more presentations by Ravertinha | Upload your own PowerPoint presentations

EXPOSICIÓN: E TI, PARA QUE LES?

2010-05-01T15:55:00.000-07:00

Para que credes vós que le Ravertiña?

CONTADAS DE NENOS E NENAS

2010-04-24T12:14:00.000-07:00

Esta semana,como preparación para o día do libro,os alumnos e alumnas de sexto quixeron agasallar aos máis pequenos transformándose en contadores de historias. Dividíronse en cinco grupos, e cada un, ía alternando dende infantil a segundo de primaria,contando un, ou varios contos, cada día da semana na hora de ler.

Foi tal o entusiasmo, tanto dos contadores coma dos pequerrechos, que ao remate querían máis e máis, polo que haberá que pensar en repetilo con máis frecuencia.

Deixo un pequeno resumo do que aconteceu.

Música: Gustav Holst - Los Planetas (Marte)

Foi unha semana fantástisca. Moitas grazas a todas e todos os que participastes nesta experiencia. Sei de boa tinta que os nenos están esperando que voltedes.

E para os que ides de excursión quero desexarvos unha boa viaxe, pasádeo ben e portádevos moi requetebén.

Un biquiño

TODOS A LER

2010-04-20T09:51:00.000-07:00

Dende a Biblioteca Milladoiro chéganos este fermoso caderno. O noso agradecemento a Olga por compartir o seu traballo.

Espero que o disfrutedes.

Bicos

UN MUNDO DE ENERXÍA

2010-04-17T13:58:00.000-07:00

A semana pasada tivemos a sorte de contar cunha exposición explicativa do funcionamento da enerxía.

O proceso de xeración dos distintos tipos de enerxía e os efectos da contaminación sobre o planeta son soamente algúns dos temas abordados pola exposición, que tamén nos achega unhas simples pautas de conducta coas que podemos poñer o noso graniño de area na misión do aforro enerxético.

Para que lembredes as explicacións da monitora aquí deixo esta presentación.

Enerxia

E por aquí un pequeno resumo da visita que realizaron os alumnos/as de 3º.

RECITAL POÉTICO (Miguel Hernández)

2010-04-11T11:38:00.000-07:00

Este venres, a biblioteca volveuse a encher de palabras, sentimentos, música, bolboretas que fan cóxegas no corazón. As alumnas e alumnos de 6º tiveron a xentileza de deleitarnos cuns fermosos poemas de Miguel Hernández coincidindo co centenario do seu nacemento.

Ravertiña quere agradecervos os bos momentos que me facedes pasar.

Un bico.

OS TRES PORQUIÑOS

2010-03-30T05:59:00.000-07:00

Os mais pequenos representaron o conto "DOS TRES PORQUIÑOS". Aquí deixo un adianto do que aconteceu. Fixádevos nos grandes actores e actrices que temos no cole.O vídeo á volta das vacacións.

Disfrutada destes días de vacacións.

Biquiños

Día Internacional da Muller Traballadora (8 de marzo)

2010-03-05T13:50:00.000-08:00

O Día Internacional da Muller Traballadora (ou tamén Día Internacional da Muller) celébrase o día 8 de marzo e está recoñecido pola Organización da Nacións Unidas (ONU). Neste día conmemórase a loita da muller pola súa participación, en pé de igualdade co home, na sociedade e no seu desenvolvemento íntegro.

Ravertiña quere sumarse a esta homenaxe lembrado a todas as mulleres que loitaron para deixarnos en herdanza un mundo máis libre e máis cómodo. Queda moito por facer pero a semente está xermolando.

Vai por as nosas nais, avoas, bisavoas e todas aquelas mulleres que traballaron de sol a sol, para que hoxe, nós, podamos disfrutar da libertade que conseguiron como moitos atrancos.

Orgullos@s do galego

2010-02-24T11:45:00.000-08:00

Dende a Coordinadora galega de equipos de normalización lingüística, chégannos estes dous vídeos que queren transmitir:

- Que ter un lingua propia é unha SORTE, non unha desgraza, é un ORGULLO, non un problema...

- Porque hai quen se empeña en ver, ou en facer ver, o galego coma un problema, e non o é, é un motivo de ORGULLO.

- Para PRESUMIR do que somos, do que temos, do noso, para FACHANDEAR da nosa lingua.

E ese orgullo a nós xa nos vén de vello, e herdámolo de moitos que se esforzaron antes ca nós pola lingua, pero queremos que se estenda e que dure, por iso deseñamos esta campaña non como algo puntual, senón coma unha campaña que nos gustaría que fose duradeira no tempo, igual ca

o ORGULLO de ter unha lingua propia, un patrimonio que debemos conservar.

o ORGULLO por ter unha lingua de futuro que –se queremos- podemos utilizar en todos os ámbitos.

o ORGULLO por ter unha lingua que nos abre camiños á comunicación con milleiros de persoas no mundo.

o ORGULLO de ter unha lingua de noso.

Martín Rivas, Belén Regueira, Antón Reixa, Susana Seivane, Luís Tosar e María Castro están orgullos@s do galego ao 100%.

En galego, proba e verás

Coñecéronse en Nova York. Ela é galega e el brasileiro e entendéronse perfectamente porque co galego se chega a todo o mundo.

Ravertiña síntese orgullosa de ser galega.

Rosalía 125 anos despois

2010-02-24T11:35:00.000-08:00

Poucas figuras concitan a mesma unanimidade que Rosalía de Castro. No día en que se cumpren 173 anos do seu nacemento e no ano en que sumaremos 125 anos da súa ausencia, a escritora, poeta fundadora da literatura galega contemporánea e primeira feminista da nación galega, recibirá sentidas homenaxes por todo o país. O seu compromiso, aínda vixente hoxe, é reivindicado esta semana nos colexios, nos centros culturais e nas prazas públicas dunha Galiza que a lembra con orgullo e que a reivindica como referente.

A Asociación de Escritores en Lingua Galega (AELG) realizará este mércores unha lectura simultánea en varias cidades do país.

Ravertiña e a Biblioteca do Cole quere sumarse a esta homenaxe con este vídeo no que Lucía Pérez pon música ao seu poema "Adeus ríos...Adeus fontes"

Espero que vos guste tanto coma a min.

Entroido no Cole

2010-02-12T16:16:00.000-08:00

Hoxe celebramos o Entroido no Cole. Aquí tedes as imaxes para que lembredes o ben que o pasamos.

Entroido

Música: Mantovani: Carnaval de Venecia.

Máis fotos:

Pasádeo ben nestes días de Entroido. Comede de todo e o réxime deixámolo para despois destas pequeñas vacacións.

Teño que dicir que me gustaron moito todos os disfraces.

El Ultimátum Evolutivo

2010-02-08T00:59:00.000-08:00

Curto realizado por Pablo Llorens para SETEM Comunitat Valenciana.
O dilema entre "Homo consumus" y "Homo responsabilus" analizado polo Prof. Setemius dende o seu programa "Grandes Documentales Marcianos".
¡¡¡Non sexas Homo consumus!!! ¡¡¡Evoluciona!!!

Xa sabedes: consumo responsable.

Unha aperta e manzanilla para baixar o cocido de onte.

Os nenos queremos Paz

2010-01-29T14:15:00.000-08:00

Este poema chegoume sen firmar. A nena ou neno que o escribiu que me diga o nome para poder poñer o autor ou autora

Hai un remedio para o odio.
Hai un remedio para a dor.
E só son dúas palabras: PAZ e AMOR.
Non mires para outro lado,
di á inxustiza que non.
Resólveo con diálogo,
teremos un mundo mellor.

Anónimo.

A Paz ten que estar presente no día a día: nas aulas, nos corredores, no recreo, no parque, en todos os momentos da nosa vida, os trescentos sesenta e cinco días do ano.

Paz para todas e todos.

Moitos bicos e disfrutade en Paz o fin da semana.

Decálogo para ser lingüísticamente sostibles

2010-01-20T02:51:00.000-08:00

Dende o blog olardefriancinho, chéganos esta fermosura.

Respecto, Tolerancia, Sintonía... Esas son as claves!

Recollemos aquí o froito dunha triple aportación: por unha banda, o Decálogo elaborado polos Servizos Lingüísticos das Universidades catalanas no ano 2008, co gallo do Ano Internacional das Linguas, proclamado pola O.N.U.; por outra, a tradución da nosa compañeira de PLAMBE, Adelia Troncoso, que tan xentilmente ten compartido connosco; por último, a maquetación, que é obra nosa e que esperemos que nos sirva a todos para reflexionar (olardefriancinho).

Decálogo para ser lingüísticamente sostibles

Co agradecemento de Ravertiña

Preguntas... con, ou sen resposta?

2010-01-17T08:46:00.000-08:00

ALGUNHAS_PREGUNTAS

See more presentations by Ravertinha | Upload your own PowerPoint presentations

Música:
Clayderman - Elisabet han Serenade

UN TRAXE ESPECIAL. REPRESENTACIÓN TEATRAL DE 6º DE PRIMARIA

2009-12-23T15:01:00.000-08:00

Este ano a Biblioteca convertiuse en Auditorio, en Salón Teatro, nun recuncho onde todas e todos poidemos disfrutar de música, teatro, actuacións dos alumnos e alumnas cunha profesionalidade que para sí quixeran moitas actrices e actores jejeje. Para mostra, os vídeos que podedes ver coa representación completa das alumnas e alumnos de 6º de primaria.

Non podemos esquecer a todas e todos os nenos e nenas que participaron no festival.Xeniais!, Xeniais!, Xeniais!!!! E agora toca ver o teatro. Pasádeo ben.

Parabéns para a directora da obra. Sobresainte para a profe de 6º.

Xa o vin catro veces e non me canso jejeje

Boas lecturas

FELICITACIÓN NADAL

2009-12-17T11:41:00.000-08:00

A coordinadora das TIC (a profe Tati),envíanos esta fermosa felicitación de Nadal.

Moitas grazas, profe Tati, quedou xenial!

Boa noite e boas lecturas

CONCERTOS NA BIBLIOTECA

2009-12-05T09:53:00.000-08:00

Esta semana a Biblioteca do cole encheuse dun arrecendo especial; o arrecendo de notas musicais espallándose por todos os recunchos. Un rebulir de ritmo e melodía que se ía introducindo en todos os espacios da nosa Biblio. Ata a choiva, que nos acompañou durante estes días, semellaba bágoas de ledicia ao escoitar as melodiosas notas dos compases cos que nos deleitaron os intérpretes a todas e todos os que asistimos aos concertos.

Aquí deixo unha pequena presentación de todo o que aconteceu esta semana.

Moitas grazas por participar e polos bos momentos que nos fixestes pasar.

Continuará...

O MAGOSTO

2009-11-29T02:44:00.000-08:00

Houbo de todo: xogos, castañas, doces, campeonatos, risas, ledicia e moi bo ambiente. Só teño unha dúbida: na proba de forza entre profes e alumnos/as, quen gañou? Uns din que os profes, outros que os alumnos/as, para min que foi empate. Vós que credes?

Aquí deixo unha mostra do ben que o pasamos ese día.

Agora a preparar os exames e xa pensaremos no vindeiro magosto para que sexa tan bo coma este. E que non chova, para poder facer todos os xogos no patio.

Apertas

II CONCURSO DE DOCES

2009-11-20T13:08:00.000-08:00

Hoxe celebramos o tan esperado magosto. Houbo de todo, xogos, competicións, castañas e tamén os doces que con tanto agarimo fixeron os nosos nenos e nenas (coido que algúns recibiron unha valiosa axuda das súas nais e pais shisss, non llo digades a ninguén).

O CONCURSO DE DOCES tivo moito éxito e para o xurado foi moi difícil decidirse porque todas as sobremesas estaban para chuparse os dedos. Despois de moito saborear o xurado chegou á conclusión de que todas merecían o premio pero como había que puntuar ao final esta foi a súa decisión:

PRIMEIRO PREMIO: "pudin de pan con noces" de Yeray e Aimar Díaz Peña (2º e 1º)

SEGUNDO PREMIO: "tarta de chocolate con noces" de Brais García Pol (5º).

TERCEIRO PREMIO: "madalenas de noces" de Xabier Crespo (1º).

Mellor presentación: " tronco de castañas con baño de chocolate" de Elena e Pablo González López (6º de infantil e 3º).

Ravertiña quere agradecer a todas as nais e pais, nenos e nenas do cole a súa colaboración e sobre todo ese sabor tan doce que quedou na biblioteca e no pavillón, e que estou segura de que tardará moito en esvarecer. E xa imos polo II concurso, caramba! Como pasa o tempo! Dentro de nada a celebrar o III, xa me tarda...Que rico estaba todo!!!

El Mundo del Revés - María Elena Walsh

2009-11-15T09:46:00.000-08:00

Por primeira vez editáronse as cancións de María Elena Walsh animadas en 3D interpretadas por Katie Viqueira. Esta é a versión animada do inesquecible Reino do Revés.

EL REINO DEL REVÉS

Me dijeron que en el Reino del Revés
nada el pájaro y vuela el pez,
que los gatos no hacen miau y dicen yes
porque estudian mucho inglés.

Me dijeron que en el Reino del Revés
nadie baila con los pies,
que un ladrón es vigilante y otro es juez
y que dos y dos son tres.

Me dijeron que en el Reino del Revés
cabe un oso en una nuez,
que usan barbas y bigotes los bebés
y que un año dura un mes.

Me dijeron que en el Reino del Revés
hay un perro pekinés
que se cae para arriba y una vez
no pudo bajar después.

Me dijeron que en el Reino del Revés
un señor llamado Andrés
tiene 1.530 chimpancés
que si miras no los ves.

Me dijeron que en el Reino del Revés
una araña y un ciempies
van montados al palacio del marqués
en caballos de ajedrez.

Vamos a ver como es
el Reino del Revés.

Os soños na gaiola

2009-11-12T04:17:00.000-08:00

Os soños na gaiola é un fermosísimo libro do poeta, narrador e dramaturgo Manuel María, que percorre todo o mundo infantil galego. Poemas esenciais para acompañar no descubrimento do mundo, desde a natureza e a paisaxe ata os animais, as persoas e mismo as cousas que elas fabrican.

Suso Vaamonde canta algúns deses poemas. Espero que vos gusten tanto coma a min.

O RÍO

O MEU BARCO

O SOL

Lembrade que podedes atopar estes e outros poemas no andel de poesía.

Boa noite

Tempo de poesía

2009-11-10T07:17:00.000-08:00

Entre o terrorífico Samaín e as larpeiradas do magosto, fagamos unha paréntese para alimentar o espíritu, e que mellor que uns poemas de Antonio Machado musicalizados por Joan Manuel Serrat: "as palabras son as velas e a música o vento que as fai voar"

LA SAETA

CANTARES

Encántame a poesía.

Seguimos celebrando o Samaín

2009-10-28T04:36:00.000-07:00

Dende a biblioteca "Mestres Goldar" chéganos esta presentación. Espero que vos guste tanto como a min. Parabéns para as autoras.

Preparando o Samaín

2009-10-20T11:01:00.000-07:00

Orixinal de theblackato

Esto é só o comenzo.....

Continúa a festa. Noite de defuntos.Uiii!!! Que medo!. Imos alumear cunhas cabaciñas.

Agora unha danza macabra. Animádesvos.

WNMAMAHAIE!!!!!!

Axudamos a poñer a mesa

2009-10-17T12:56:00.000-07:00

Ao mellor, neste caso, sobra algún vaso e falta unha sobremesa coma esta...

Umm...filloas. Que ricas!

Bo proveito

O Castro de Santa Tegra

2009-10-10T06:06:00.000-07:00

O castro de Santa Tegra cumpre coas características típicas destas poboacións: está situado estratexicamente no alto dun monte e é rodeado por unha muralla defensiva.

A situación deste castro non só era excelente defensivamente falando-visualizábase a costa e a desembocadura do río Miño-, tamén economicamente, xa que se encontraba perto dos cultivos e da zona de pesca e marisqueo.

Na muralla obérvanse dúas portas de entrada, aínda que probablemente se construísen máis.

Urbanisticamente cómpónse de construcións circulares, comunicadas con cales estreitas, lousadas e algunhas pequenas prazas. Utilízanse elementos puramente urbanísticos como as escaleiras ou muros de contención de terras.

As casas,son de pranta circular ou ovada, algunhas con vestíbulo. De fábrica de pedra e cuberta de madeira e palla cun piar central de madeira para a súa sustentación. Non tiñan vans a excepción das portas. Estas eran adinteladas e nalgunhas ocasións estes dinteis estaban decorados. Algunhas vivendas de pranta rectangular son posteriores, de influencia romana.

Habitouse desde o 1900 a.C., quedándonos poucos restos desta época, sendo os últimos habitantes e construcións da conquista romana. Abandonouse cara ao ano 68 d.C.

Muiños do Folón e do Picón (O Rosal- Pontevedra)

2009-10-09T17:05:00.000-07:00

Os Muíños do Folón-Picón conforman un singular conxunto etnográfico, declarado BIC con categoría de lugar de interese etnográfico pola Consellería de Cultura, Comunicación Social e Turismo da Xunta de Galicia o 22 de Xaneiro de 1998. Sitúanse nunha aba empinada aproveitando un salto de auga para o seu bo funcionamento. O seu número xira en torno a 24 exemplares colocados un sobre outro salvando un desnivel duns 75 metros de altura. O máis antigo deles data de 1700 e o máis moderno afunde as súas raíces nos mediados do século XX.

Biblioteca Dixital Mundial

2009-10-09T06:34:00.000-07:00

Xa está dispoñible en Internet a Biblioteca Dixital Mundial, un agaxallo da UNESCO para a humanidade.

Reúne mapas, textos, fotos, gravacións e películas de todos os tempos e explica en sete idiomas as xoias e reliquias culturais de todas as bibliotecas do planeta.

Premede na imaxe para aceder a Bblioteca Dixital Mundial. Estades a entrar nun mundo emocionante.

Boas lecturas.

Para que serve o galego?

2009-09-28T23:50:00.000-07:00

O aforcado de San Xoán

2009-09-27T13:55:00.001-07:00

Para xogar preme na imaxe. É un xogo moi sinxelo e moi divertido. Só tedes que adiviñar a palabra agochada,

Biquiños.

Ben falado

2009-09-26T01:03:00.000-07:00

Unha aperta

Decálogo de dereitos dos nenos a escoitar contos.

2009-09-12T13:39:00.000-07:00

1. Todo neno, sen distinción de raza, idioma ou relixión, ten dereito a escoitar os máis fermosos contos da tradición oral dos pobos, especialmente aqueles que estimulen a súa imaxinación e a súa capacidade crítica.

2. Todo neno ten dereito a esixir que os seus pais lle conten contos a calquera hora do día.

3. Todo neno que por unha ou outra razón non teña a ninguén que lle conte contos, ten absoluto dereito a pedir ao adulto da súa preferencia que llos conte, sempre e cando este demostre que o fai con amor e tenrura, que é como se contan os contos.

4. Todo neno ten dereito a escoitar contos sentado no colo dos seus avós. Aqueles que teñan vivos aos seus catro avós poderán cedelos a outros nenos que por diversas razóns non teñan avós que lles conten contos. Do mesmo xeito, aqueles avós que carezan de netos están en liberdade de acudir a escolas, parques e outros lugares de concentración infantil onde poderán contar cantos contos queiran.

5. Todo neno está no dereito de saber quen son os principais autores de contos. As persoas adultas están na obriga de poñer as súas historias ao alcance dos nenos.

6. Todo neno goza a plenitude do dereito de coñece-las fábulas, os mitos e lendas da tradición oral do seu país.

7. O neno tamén ten dereito a inventar e contar os seus propios contos, así como a modificar os xa existentes, creando a súa propia versión.

8. O neno ten dereito a esixir contos novos. Os adultos están na obriga de nutrirse permanentemente de novos e imaxinativos relatos, propios ou non, con ou sen reises, longos ou curtos... O único obrigatorio é que sexan fermosos e interesantes.

9. O neno sempre ten dereito a pedir outro conto e a pedir que lle conten un millón de veces o mesmo conto.

10. Todo neno ten dereito a medrar acompañado das aventuras de "Polgariño" e "Merlín", de aquel cabalo que era tan bonito... , e do inmortal "Había unha vez...", palabras máxicas que abren as portas da imaxinación na ruta cara os soños máis fermosos da nenez.

Asociación Colombiana del Libro Infantil (Tradución)

Pedro e o lobo

2009-09-04T14:49:00.000-07:00

Pedro e o lobo é un conto popular ruso para o que Sergei Prokofiev (compositor ruso-1891-1953) compuxo esta melodía.

Introdución.- Queridos nenos, nenos de todas as idades. Cada personaxe deste conto está representado por un instrumento da banda. Pedro polos instrumentos de corda. O avó, polos instrumentos graves da banda. O paxaro, pola frauta. O parrulo, polo saxofón soprano. O gato, polos clarinetes en rexistro grave. Os cazadores, cos seus disparos de fusil, polos timbais e o bombo. E o lobo, polas trompas. Así poderedes distinguir mellor aos personaxes desta historia. Pero imos xa co conto:

Érase unha vez un neno chamado Pedro. El, e o seu avó, vivían nunha cabana con xardín rodeada dunha alta parede de pedra. Detrás da parede había un gran prado e, máis alá do prado, un bosque profundo e escuro.

Unha fermosa mañá, Pedro abriu o enreixado do xardín da súa casa e saíu á verde e ancha pradería. Sobre a rama máis alta dunha frondosa árbore, estaba pousado un paxarillo que, ao ver a Pedro, piou con ledicia: “Bo día, Pedro. Por aquí todo está tranquilo.” Pronto apareceu un parrulo contoneándose. Ao ver que Pedro non pechara o enreixado sentiuse feliz e decidiu darse un chapuzón na profunda e asollada charca.

Ao ver ao parrulo, o paxarillo baixou da árbore e pousouse ao seu lado no céspede engruñándose de ombros. “Que clase de ave es ti-díxolle- que non sabes voar?”. Ao que respondeu o parrulo: “Que clase de ave es ti que non sabes nadar?”. E mergullouse na charca. E así, seguiron discutindo, o parrulo nadando no estanque e o paxaro dando brinquiños na beira.

De súpeto, algo atraeu a ollada de Pedro. Era un gato que esvaraba sixilosamente sobre o céspede. O gato pensaba para súas adentros: “O paxaro está ocupado discutindo co parrulo. Vou ver se o atrapo”. E comezou paseniñamente a achegarselle. Coidado!, dixo Pedro. E o paxaro voou ao instante ata a árbore.

Mentres, o parrulo graznaba colericamente ao gato, desde o centro do estanque, claro.O gato daba voltas e voltas arredor da árbore e pensaba: “pagará a pena rubir tan alto?, cando eu chegue o páxaro terá fuxido”.

Naquel intre saíu o avó. Estaba desgustado ao ver que Pedro fora ao prado. “A pradaría é un lugar perigoso”, dixo, “”. Pedro, non prestou atención ás palabras do seu avó. Os rapaces como el non teñen medo dos lobos. Pero o avó, tomou a Pedro da man, levouno á casa e pechou o enreixado con chave. Case non entraran, cando saíu do bosque un gran lobo gris. Dun salto, o gato rubiu á árbore.

O parrulo, cheo de pavor, saíu precipitadamente do estanque. De nada lle valeu correr. Non podería escapar das gadoupas do lobo. O lobo achegábase, achegábase, acadábao, xa. Ata que apreixouno e dun só bocado o tragou. Así pois, a situación agora era esta: o gato sentado nunha rama da árbore. O paxaro pousado noutra, non moi perto do gato. O lobo dando voltas e voltas arredor da árbore ollando aos dous con ollos lambóns. Mentres tanto, Pedro, detrás do enreixado, sen o menor temor, contemplaba todo o que estaba acontecendo.

De súpeto correu á casa, tomou unha grosa corda e ás présas virou e subiuse á tapia de pedra. Unha das ramas da árbore arredor do cal xiraba o lobo, pasaba perto do muro. Apreixándose á rama, Pedro subiuse á árbore. Entón díxolle ao paxaro: “Revolotea sobre a cabeza do lobo, pero ten cuidado de que no te alcance”. O paxaro case rozaba coas súas ás o cabeza do lobo, o cal, furioso, daba dentadas a un lado e a outro. Como lle molestou aquel pajarillo! Pero o paxaro era moi listo e o lobo nada lle puido facer.

Entrementres, Pedro fixera un lazo coa corda, e fora deixando caer suavemente ata enleala na cola do lobo. Logo, tirou con todas as súas forzas. Ao sentirse atrapado, o lobo empezou a brincar desesperadamente tratando de soltarse. Pero Pedro, atou o outro extremo da corda á árbore e os brincos do lobo só conseguiron apertala aínda máis. E foi entón cando saíron do bosque os cazadores. Seguían as pegadas do lobo disparando e dando voces.

Desde a árbore, Pedro berroulles: “Non disparedes, por favor. O paxaro e eu atrapamos ao lobo. Axudádenos a levalo ao xardín zoolóxico!”. E alá van. Imaxinadevos a procesión triunfal.

Á cabeza, Pedro. Tras el, os cazadores arrastrando ao lobo. Logo, o gato. Pechando o cortexo ía o avó. Movía o cabeza coma se dixese: “Todo estivo moi ben, pero,”. Sobre eles, revoaba o pajarillo piando jubiloso: “Que listos somos Pedro e eu! Ollade o que atrapamos!” E se escoitades con atención, poderedes oír ao parrulo graznar no ventre do lobo, xa que, coas présas, o lobo, tragarao e estaba vivo!!!!.

Como podedes comprobar, esta versión está en inglés, así tamén practicades.

Un biquiño

Hora de ler

2009-08-29T14:28:00.000-07:00

Navegando, navegando, atopei este vídeo de Juan Berrio que é un historietista, ilustrador e fotógrafo. Segundo conta autor, esta peza fíxoa para a exposición de moleskines do quinto aniversario da librería Panta Rhei de Madrid.Como facer a partir dun caderno unha casa de papel (con tellado e todo). Prestade moita atención porque é algo máxico.

Gustouvos? Sabedes o que son os moleskines? Buscade, buscade...

Bágoas de San Lorenzo (2009)

2009-08-29T12:48:00.000-07:00

As Perseidas
Popularmente coñecidas como Lágrimas de San Lorenzo, son unha chuvia de meteoros de actividade alta. É un dos eventos deste tipo máis populares no hemisferio norte, xa que transcorre en Agosto, mes referente en período vacacional que adoita outorgar ceos despexados.

O seu período de actividade é longo e esténdese entre o 17 de xullo e o 24 de agosto. O seu máximo este ano foi o 12 de agosto.

No caso das Perseidas, as partículas que producen o fenómeno foron producidas polo cometa 'Swift-Tuttle' que, como todos os cometas, perde masa cando se achegan ao Sol. Todos os anos sobre o 11-13 de agosto, a órbita da Terra cruza unha nube de partículas producidas por este cometa, o que produce a chuvia das Perseidas. Se prolongamos as trazas das Perseidas observadas nunha noite, todas parecen provir dunha zona situada na constelación de Perseo, de aí o seu nome.

Impresionante!

Lembrando a visita ao Planetario

2009-08-24T07:40:00.000-07:00

O que representamos no Universo. Planetas e estrelas

The Bear

2009-06-21T08:37:00.001-07:00

Que susto pasei!!!!

Encántanme os finais felices.

Un biquiño

Mamá Cabra

2009-06-19T03:20:00.000-07:00

O día 16 fomos ver unha actuación de Mamá Cabra. Mira polo miúdo foto a foto e comprobarás, con certa envexa sa, como cantamos e bailamos con todas as actuacións.

Estivo xenial!!!

Xoga con Fervello

2009-06-16T12:53:00.000-07:00

Preme na imaxe.

Aquí deixo un xogo para que o pasedes ben, tamén no verán, e non deixedes de visitarme.

Un biquiño e boas lecturas

13 Rue del Percebe

2009-06-13T06:56:00.000-07:00

13 Rue Del Percebe

View more OpenOffice presentations from anegado.

Xa hai uns días que non poñía algo bonito para os meus queridos visitantes.

Aquí tedes unha historia do que acontece na Rue do Percebe.

Se vai moi rápido podedes deter cada diapositiva premendo pausa. Tamén se pode ver en pantalla completa premendo na icona que esta ao final de todo.

Un biquiño e sorte nos exames que estades a facer.

Un peixe moi divertido

2009-05-30T04:29:00.000-07:00

Aiiiiiiiii!!!! Canto me gustou este conto! Así, con música, con esas cores... E a vós?

Un biquiño cantareiro

A vaca Connie

2009-05-30T02:17:00.000-07:00

Ides pasalo ben, pero que moi ben...

Premede na imaxe para entrar nos xogos.

Un biquiño

Sete Saias - Bágoas de Azar

2009-05-23T15:08:00.000-07:00

Hai días, cando a biblioteca está en silencio, cando o rebulir de todos os nenos e nenas que me facedes compaña esvaece na noite, gústame escoitar un pouquiño de música e hoxe atopei esta melodía cun son da arpa que me leva a sentir sensacións indescriptibles.

Escoitade comigo.

Un biquiño

Brancaneves

2009-05-19T08:24:00.000-07:00

Que ben o contan estes nenos!

Moitos biquiños

Seguimos cos contos

2009-05-12T07:21:00.000-07:00

O parruliño feo

Carapucha vermella

Que bonitos son todos os contos! Verdade?

Un biquiño

QUEREDES XOGAR?

2009-05-11T10:58:00.000-07:00

Xogos para todas as idades.

Querido Zoo

A porquiña urbana

Espero que o pasarades moi ben, ademais aprendendo moitas cousiñas.

Un biquiño

Semana das letras galegas

2009-05-11T02:21:00.001-07:00

Como todos os anos por estas datas, recordamos que temos unha lingua propia, unha lingua agarimosa e que temos que utilizar sen vergoña, sen complexos, sen medo...orgullosos e orgullosas de ter o privilexio de poder expresarnos na lingua dos nosos antergos.

O grupo Migallas compuxo este rap que está incluído no seu disco "Canta Connosco" para que todos nos animemos a falar galego, a nosa lingua. Cantade e disfrutade.

Un biquiño e boas lecturas

Debaixo da figueira

2009-04-28T08:05:00.000-07:00

Seguide todos os movementos. É moi divertido

Un biquiño

23 de abril día do libro

2009-04-25T08:59:00.000-07:00

O día 23 os rapaces e rapazas de 1º foron ao museo para asistir á presentación de contos e debuxos de Pepe Carreiro, autor de "As Bolechas". Seica o pasaron moi ben e divertíronse coa facilidade que tiña Pepe para facer debuxos nun plis! plas!

Mirade que atentos están...

Ata outra, un biquiño

Folerpas de amor

2009-04-15T04:34:00.000-07:00

Libro feito polos alumnos de infantil e primaria e presentado no salón do libro de Pontevedra. Visita dos alumnos.

Que bonito quedou o libro! Os meus parabéns.

Biquiños

A flor máis grande do mundo

2009-03-28T15:50:00.000-07:00

Mirade o que atopei para vós. É unha historia moi fermosa.

Disfrutádea.

Biquiños

O merlo poeta

2009-03-23T13:43:00.000-07:00

Lede estoutros:

O año Pitaño
vai no Paraño.

A cabuxa Luxa
marchou onda
a bruxa.

O coello vello
anda no cortello.

O galo ralo
rubiuse no valo.

A galiña Tiña
está na cociña.

Anda, neniña
déixaos estar
e imos xogar
coas cunchas do mar.

Estes poemiñas podedes atopalos no libro de X.M. Álvarez Blázquez

"Roseira do teu mencer"

A ver que o atopa antes...

Biquiños

Novidades

2009-03-17T13:40:00.000-07:00

Ola amiguiños e amiguiñas.

Hai novas...

En que andel estarán? Buscade ben.

Biquiños

O sapo e o raposo

2009-03-14T12:09:00.000-07:00

No andel de Fábulas e Lendas atoparedes moitos, moitos máis...

Boas lecturas!

O libro de Chocolata

2009-03-12T05:14:00.000-07:00

Gustouvos?. Podedes lelo na Biblioteca.

Un biquiño

Ola amigos e amigas

2009-03-12T02:26:00.000-07:00

Sabedes que son? Non? Pois son a vosa Mascota, pero...aínda non nacín. Dixéronme que ía moito frío e que nevara moito por Lalín, por eso estou esperando ao bo tempo para presentarme, porque estou tan quentiña aqui...

Sei que estades lendo moitos libros, e que tedes "a hora de ler", gústame, gústame moito. A min lenme libros, e ás veces miro por riba dos vosos contos para ir aprendendo.

Este blog, como veredes, é para vós; para que escribades o que vos parece a biblio, os arranxos que van facendo e os libros que mais vos gustan.

Por hoxe xa está ben. Agora voume relaxar con esta fermosa melodía que puxeron no blog. Ei buscar por estos mundos a ver que atopo para vós.

Un bico e ata pronto.

Ah! comentade moito, con boa ortografía e poñendo o nome para irvos coñecendo.

Roi Casal - Ninfa das frescas augas

2009-03-11T15:37:00.000-07:00